This historic book may have numerous typos and missing text. Purchasers can download a free scanned copy of the original book (without typos) from the publisher. Not indexed. Not illustrated. 1840 edition. Excerpt: ...quyer, the brethren than begynnynge and procedynge solemply withe masse of the Annunciacion of our Lady, and sche that is sexteyne moste ordeyn that the awter in the sustres quyer be honestly arayed, and that the lectrons be redyly sette forthe, whereupon the epistle and gosbel schal be redde of the seyd clerks as it is seyd before, whiche schallen attende to nothyng but to the buschop. The sustres, as many as may after the discrecion of the priores and saddeste sustres, schal be togyder in ther quyer, nothynge syngynge, but deuoutly praynge, behauynge them honestly as the religion askethe. Of the whiche two or thre at the leste assygned by the priories schal attende aboute the abbes alle the masse tyme. The abbes schalle knele in her prayers atte a forme, honestly arayed withe tapettes and cuschenes as it is accordynge, kepyng suche manor observaunces in prostracions, knelynges, exainynacions, makyng of obedience, subscripcion or crosse, with suche other, as sche is assygned and enformed by the buschop and hys clerkes. And whan the offertory is bygon, sche schal offer to the buschops hand, as the mancr is, and go a5cne to her place, tyl sche be kleped after masse to receyue the sacrament, and therfor scbe moste be fastyng. And after the buschop schal install her, sayng, "Accipe potestatem," et extern, and whan he begynnethe " Te deum laudamus," the brethren schal procede withe the same, alle the belles ryngynge, and in the mene tyme the sustres, procedynge two and two to gyder, schal kysse the abbes knelynge, sche syttynge in her stalle. Thys done withe the preces folowynge, the buschop, withe hys clerkes, by the gydyng of the priores and of another suster, schal lede the abbes into ther chapter, where he schal do her to...